कञ्चनपुर । जुवातास खेलिरहेको अवस्थामा दोधारा चाँदनी नगरपालिका-६ संगम टोलबाट  ४९ वर्षीय मोहन बहादुर सिंह समेत ६ जनालाई गए राति प्रहरीले पक्राउ गरेको छ ।

सोही स्थानमा बस्ने धने गरूङको घरमा जुवातास खेलिरहेको सूचनाका आधारमा  इलाका प्रहरी कार्यालय दोधारा चाँदनीबाट खटिएको प्रहरीले उनीहरूलाई पक्राउ गरेको हो । उनीहरुको साथबाट नगद २२ हजार १ सय ३० रूपैयाँ र १ बुक तास सहित पक्राउ गरेको छ । यस सम्बन्धमा प्रहरीले कारबाही प्रक्रिया अघि बढाएको जनाएको छ ।