काठमाडौं। न्युरोडस्थित टेःबालमा रहेकाे सङ्कटा मन्दिरमा शनिबार भक्तजनको भीड लागेको छ। ग्रह शान्तिको लागिदर्शन गर्न पुगेका भक्तजनको संकटा मन्दिर परिसरमा कार्तिकको अन्तिम शनिबार भीड लागेको हो। भक्तजनलाई मन्दिर भित्र र बाहिरबाटै दर्शन गर्ने व्यवस्था मिलाइएको व्यवस्थापन समितिले जनाएको छ।
शनिबारका दिन संकटा मन्दिरको विशेष महत्व रहेको छ। शनिबारको दिन कालो रंगको कपडा लगाउने र कालो वस्तु गरिब/जोगीलाई दान गर्दा फल प्राप्ति हुने विश्वास छ। शनिबार सङ्कटा मन्दिर दर्शन गर्न जाने भक्तजनको लाइन न्युरोड गेटदेखि नै थियो। शनिबार बिहान दर्शन गर्न दर्शनार्थीको लाइन विशाल बजारसम्म पुगेको थियो।
