काठमाडौं । सिन्धुपाल्चोकमा भोटेकोशीले रिसोर्ट बगाउँदा दुई जनाको मृत्यु भएको छ । सुनकोशी गाउँपालिका वडा नम्बर–४ स्थित च्यामेमा सञ्चालित सिन्धु बिच रिसोर्ट बाढीले बगाएको बागमती प्रदेशका डीआईजी कृष्णहरि शर्माले बताए ।
भोटेकोशीले बगाएको दुई जनाको शव भेटिएको छ र अरू दुई जना बेपत्ता छन् । च्यामेमा रिसोर्टसँगै रहेका घरहरूबाट १५ जनालाई उद्धार गरिएको डीआईजी शर्माले जानकारी दिए ।
