तानसेन । जिल्लाको माथागढी–२, रुप्सेमा ट्रकले ठक्कर दिँदा एक जनाको मृत्यु भएको छ । मृत्यु हुनेमा सोही स्थानका ५३ वर्षीय टेकबहादुर ढेँगा रहेको प्रहरीले जनाएको छ।
बिहीबार साँझ साढे ७ बजेतिर खहरेबाट माथागढी–२, स्थित फेँदीतर्फ जाँदै गरेको लु २ ख १४५ नम्बरको ट्रकले सडकमा हिँडिरहेका पैदलयात्री ढेँगालाई ठक्कर दिएको थियो । ठक्करबाट गम्भीर घाइते भएका ढेँगाको उपचारका लागि लुम्विनी मेडिकल कलेज प्रभासमा ल्याइएपनि चिकित्सकले मृत घोषणा गरेको थियो ।
दुर्घटनापछि ट्रकका चालकलाई प्रहरीले नियन्त्रणमा लिएर थप अनुसन्धान गरिरहेको जिल्ला प्रहरी कार्यालय पाल्पाका प्रहरी नायव उपरीक्षक सुनिल मल्लले जानकारी दिए ।
